Նատրիումի կումոլսուլֆոնատ

Նկարագրություն

Նատրիումի կումոլսուլֆոնատը (Sodium Cumene Sulfonate / SCS) հանդիսանում է մասնագիտացված անիոնային մակերևութային ակտիվ նյութ, որն արդյունաբերության մեջ հայտնի է որպես հզոր հիդրոտրոպ (լուծելիության խթանիչ)։
Ֆիզիկական հատկություններ
– Թափանցիկից մինչև բաց դեղնավուն հեղուկ (սովորաբար 40% լուծույթ) կամ սպիտակ փոշի։
– Չափազանց լավ է լուծվում ջրում։
– Ունի թույլ բնորոշ հոտ։
– Ինքնուրույն վատ է լվանում, սակայն կտրուկ բարձրացնում է այլ նյութերի լուծելիությունը ջրում։
– Խտություն. Մոտ 1.15 – 1.20 գ/սմ3 (լուծույթի դեպքում)։
Քիմիական հատկություններ
Բանաձև. C9H11NaO3S:
– pH միջավայր. 10% ջրային լուծույթն ունի չեզոքին մոտ միջավայր (pH 7.0 – 9.0)։
– Կայուն է թթվային և հիմնային միջավայրերում, ինչպես նաև օքսիդիչների ներկայությամբ։
– Հիանալի համատեղվում է բոլոր տեսակի ՄԱՆ– երի հետ։
– Իջեցնում է լուծույթի «ամպամածության կետը» (cloud point), կանխելով բաղադրիչների շերտավորումը։
Անվտանգության նորմեր
– Կարող է առաջացնել թեթևից միջին գրգռվածություն։ Աչքի մեջ ընկնելիս լվանալ առատ ջրով։
– Համարվում է ցածր թունավորության և արագ կենսաքայքայվող նյութ։
– Աշխատելիս խորհուրդ է տրվում կրել ձեռնոցներ և պաշտպանիչ ակնոցներ։
Պահպանման պայմաններ
– Պահել հերմետիկ պլաստիկե (HDPE) տակառներում կամ տարաներում։
– Պահել +5 C– ից +40 C պայմաններում։ Ցածր ջերմաստիճանում հնարավոր է բյուրեղացում (տաքացնելիս լուծվում է)։Զով, չոր վայրում, հեռու արևի ուղիղ ճառագայթներից։
Կիրառման ոլորտներ
– Հեղուկ լվացող միջոցներ. Խտացված լվացքի գելերի և աման լվացող հեղուկների մեջ՝ բաղադրիչների միաձուլումն ապահովելու համար (կոպլինգ– ագենտ)։
– Արդյունաբերական մաքրողներ. Ուժեղ ալկալիական և թթվային մաքրող միջոցների մեջ՝ մածուցիկությունը կարգավորելու համար։
– Մետաղների մշակում. Ճարպազերծող լուծույթների մեջ՝ որպես լուծելիության բարձրացնող հավելում։
– Տեքստիլ. Ներկման գործընթացներում՝ ներկանյութերի լավագույն լուծելիությունն ապահովելու համար։
– Կոսմետիկա. Շամպունների մեջ՝ թափանցիկությունն ու կայունությունը պահպանելու նպատակով։