Նատրիումի մետասիլիկատ

Նկարագրություն

Նատրիումի մետասիլիկատը (Sodium Metasilicate) անօրգանական միացություն է, որը հայտնի է որպես «լուծվող ապակի» փոշի վիճակում։ Այն հզոր ալկալիական մաքրող և կորոզիայի դեմ պայքարող միջոց է։
Ֆիզիկական հատկություններ
– Սպիտակ փոշի կամ հատիկներ։
– Լավ լուծվում է ջրում (մոտ 210 գ/լ 20 C– ում)։ Լուծվելիս անջատվում է ջերմություն։
– Անհոտ է։
– Ուժեղ կլանում է խոնավությունը օդից (հիգրոսկոպիկ է)։
– Հալման ջերմաստիճան. Մոտ 1088 C (անջուր տեսակը)։
Քիմիական հատկություններ
Բանաձև. Na2SiO3 (անջուր) կամ Na2SiO3 * 5H2O (պենտահիդրատ)։
– pH միջավայր. 1% ջրային լուծույթն ունի ուժեղ հիմնային միջավայր (pH 12.5 – 13.0)։
– Հիանալի քայքայում և էմուլսացնում է ճարպերը, յուղերը և սպիտակուցային աղտոտվածությունները։
– Ստեղծում է պաշտպանիչ շերտ մետաղների մակերեսին՝ պաշտպանելով դրանք օքսիդացումից։
– Փոխազդում է թթուների հետ՝ առաջացնելով սիլիկաթթվի գելային նստվածք։
Անվտանգության նորմեր
– Խիստ ագրեսիվ է։ Առաջացնում է քիմիական այրվածքներ և գրգռվածություն։ Աչքի մեջ ընկնելիս լվանալ առատ ջրով։
– Փոշին շնչելը վնասում է շնչուղիները։ Աշխատելիս պարտադիր կրել շնչադիմակ։
– Աշխատել քիմիակայուն ձեռնոցներով և պաշտպանիչ ակնոցներով։
– Մաշկի վրա թափվելիս լվանալ ջրով, ապա չեզոքացնել քացախաթթվի թույլ լուծույթով։
Պահպանման պայմաններ
– Պահել հերմետիկ պլաստիկե (HDPE) պարկերում կամ տարաներում։ Չոր, զով և լավ օդափոխվող վայրում։
– Խստիվ պաշտպանել խոնավությունից, քանի որ նյութը արագ քարանում է և դառնում կպչուն զանգված։
– Հեռու պահել թթուներից և ալյումինե իրերից (ալյումինի հետ փոխազդելիս անջատում է ջրածին)։
Կիրառման ոլորտներ
– Լվացող միջոցներ. Լվացքի փոշիների, աման լվացող հաբերի և ավտոշամպունների կարևոր բաղադրիչ (բարձրացնում է pH– ը և լվացող ուժը)։
– Արդյունաբերական մաքրում. Մետաղական մասերի ճարպազերծում, շարժիչների լվացում և խողովակների մաքրում։
– Շինարարություն. Բետոնի պնդացման արագացուցիչ և ջրամեկուսիչ հավելում։
– Թղթի արդյունաբերություն. Թղթի սպիտակեցման և թանաքազրկման գործընթացներում։
– Կերամիկա. Որպես դֆլոկուլանտ (ջրիկացնող միջոց) կավե զանգվածների համար։