Նատրիումի բենզոատ

Նկարագրություն

Նատրիումի բենզոատը (Sodium Benzoate) բենզոյական թթվի նատրիումական աղն է։ Այն աշխարհում ամենատարածված կոնսերվանտներից մեկն է, որն արդյունավետորեն կանխում է խմորասնկերի, բորբոսասնկերի և որոշ բակտերիաների զարգացումը։
Ֆիզիկական հատկություններ
– Սպիտակ բյուրեղային փոշի, հատիկներ կամ թեփուկներ։
– Շատ լավ լուծվում է ջրում (մոտ 630 գ/լ 20 C– ում)։ Վատ է լուծվում սպիրտում։
– Անհոտ է կամ ունի թույլ բնորոշ հոտ։ Ունի քաղցրավուն– դառնավուն համ։
– Խտություն. Մոտ 1.44 գ/սմ3։
– Հալման ջերմաստիճան. Մոտ 300 C։
Քիմիական հատկություններ
Բանաձև. NaC7H5O2 (կամ C6H5COONa)։
– pH միջավայր. Ջրային լուծույթը թույլ հիմնային է (pH մոտ 8)։
– Որպես կոնսերվանտ ակտիվանում է միայն թթվային միջավայրում (pH < 4.5), որտեղ վերածվում է ակտիվ բենզոյական թթվի։
– Չի կարելի օգտագործել վիտամին C– ի (ասկորբինաթթվի) հետ միասին, քանի որ որոշ պայմաններում կարող է առաջանալ թունավոր բենզոլ։
Անվտանգության նորմեր
– Ընդհանուր առմամբ համարվում է անվտանգ (GRAS) սահմանված չափաբաժիններով օգտագործելիս։
– Փոշին շնչելը կարող է գրգռել շնչուղիները և առաջացնել հազ։
– Կարող է առաջացնել թեթև գրգռվածություն զգայուն մարդկանց մոտ։
– Սննդի մեջ թույլատրելի առավելագույն չափաբաժինը սովորաբար կազմում է 0.1% – 0.2%։
Պահպանման պայմաններ
– Պահել հերմետիկ փակված պլաստիկե կամ թղթե պարկերում (ներքին պլաստիկե շերտով)։Չոր, զով և լավ օդափոխվող վայրում։
– Նյութը հիգրոսկոպիկ է (կլանում է խոնավությունը), ուստի պետք է խուսափել բաց օդում պահելուց՝ քարացումը կանխելու համար։
Կիրառման ոլորտներ
– Սննդի արդյունաբերություն (E211). Գազավորված ըմպելիքների, հյութերի, մայոնեզի, թթուների, մուրաբաների և պահածոների կոնսերվացում։
– Կոսմետիկա. Շամպունների, լոսյոնների, ատամի մածուկների և կրեմների պահպանման ժամկետը երկարացնելու համար։
– Ֆարմացևտիկա. Դեղահաբերի և օշարակների բաղադրության մեջ որպես հակամանրէային միջոց։
– Արդյունաբերություն. Որպես կոռոզիայի ինհիբիտոր (պաշտպանիչ) ավտոմեքենաների հակասառեցնող հեղուկների (անտիֆրիզ) մեջ։
Հրավառություն. Օգտագործվում է որպես վառելիք «սուլող» հրթիռների պատրաստման համար։