Նկարագրություն
Նատրիումի լաուրետ սուլֆատը (SLES 70% / Sodium Laureth Sulfate) ամենատարածված անիոնային մակերևութային ակտիվ նյութն է (ՄԱՆ)։ Այն հայտնի է իր բարձր փրփրացնող հատկությամբ և էժան ինքնարժեքով, ինչի շնորհիվ հանդիսանում է հեղուկ լվացող միջոցների հիմնական բազան։
Ֆիզիկական հատկություններ
– Սպիտակ կամ բաց դեղնավուն թափանցիկ թանձր մածուկ։
– Լավ լուծվում է ջրում (խորհուրդ է տրվում նախապես տաքացնել կամ օգտագործել հատուկ խառնիչներ լուծելու համար)։
– Ունի թույլ բնորոշ հոտ։
– Ակտիվ նյութի պարունակությունը մոտ 70% է։
– Խտություն. Մոտ 1.05 – 1.10 գ/սմ3։
Քիմիական հատկություններ
Բանաձև. C12H25(OCH2CH2)nOSOnNa (n սովորաբար 2 կամ 3 է)։
– pH միջավայր. 5– 10% ջրային լուծույթն ունի թույլ հիմնային կամ չեզոք միջավայր (pH 7.0 – 9.0)։
– Հիանալի համատեղվում է նոնիոնային և ամֆոտեր ՄԱՆ– երի հետ։ Անհամատեղելի է կատիոնային նյութերի հետ (առաջացնում է նստվածք)։
– Ջրով նոսրացնելիս մածուցիկությունը հեշտությամբ կարգավորվում է սովորական կերակրի աղի (NaCl) ավելացմամբ։
Անվտանգության նորմեր
– 70%– անոց խտանյութը խիստ գրգռում է մաշկը և աչքերը։ Աշխատելիս պարտադիր կրել ռետինե ձեռնոցներ և պաշտպանիչ ակնոցներ։
– Համարվում է անվտանգ պատրաստի արտադրանքի մեջ (ցածր կոնցենտրացիայով), սակայն երկարատև շփումը կարող է չորացնել մաշկը։
Պահպանման պայմաններ
– Պահել բնօրինակ պլաստիկե (HDPE) տակառներում։
– Պահել +15 C– ից +40 C պայմաններում։ Ցածր ջերմաստիճանում նյութը պնդանում է և դժվարանում է դոզավորումը։ Չոր և լավ օդափոխվող պահեստում, հեռու արևի ուղիղ ճառագայթներից։
Կիրառման ոլորտներ
– Անձնական հիգիենա. Շամպունների, լոգանքի գելերի, հեղուկ օճառների և ատամի մածուկների հիմնական փրփրացնող բաղադրիչ։
– Կենցաղային քիմիա. Աման լվացող հեղուկների, լվացքի միջոցների և մաքրող գելերի պատրաստման համար։
– Ավտոքիմիա. Ավտոշամպունների և տեխնիկական լվացող միջոցների մեջ։
– Արդյունաբերություն. Տեքստիլի և կաշվի մշակման գործընթացներում որպես թրջող և լվացող հավելում։
