Описание
Ամոնիումի քլորիդը (NH₄Cl) անօրգանական աղ է, որը հայտնի է իր բազմակողմանի կիրառությամբ՝ մետաղագործությունից մինչև բժշկություն։
Ֆիզիկական հատկություններ
— Սպիտակ բյուրեղային փոշի կամ հատիկներ։
— Անհոտ է, ունի սուր, աղի– դառնավուն համ։
— Շատ լավ լուծվում է ջրում :
Քիմիական հատկություններ
— Ուժեղ թթվի և թույլ հիմքի աղ է, ջրային լուծույթն ունի թույլ թթվային միջավայր ( pH ~ 5)։
– Ալկալիների հետ տաքացնելիս անջատում է բնորոշ հոտով ամոնիակ գազ։
— Խոնավ միջավայրում արագացնում է մետաղների կոռոզիան՝ իր թթվային բնույթի պատճառով։
Անվտանգության նորմեր
— Փոշին կարող է գրգռել աչքերը և շնչուղիները։ Աշխատելիս կրել պաշտպանիչ ակնոցներ և դիմակ։
— Երկարատև շփումը կարող է առաջացնել մաշկի թեթև գրգռում։ Օգտագործել ձեռնոցներ։
– . Մեծ քանակությամբ կուլ տալը կարող է առաջացնել սրտխառնոց, փսխում և օրգանիզմի թթվայնության խանգարում (ացիդոզ)։
Պահպանման պայմաններ
– Պահել խստիվ չոր վայրում, քանի որ նյութը հիգրոսկոպիկ է (կլանում է խոնավությունը և վերածվում պինդ քարացած զանգվածի)։
– Պահել հերմետիկ փակված պլաստիկե պարկերում կամ տարաներում։
— Պահել հեռու ուժեղ թթուներից և ալկալիներից (որպեսզի չառաջանա քիմիական ռեակցիա պահեստավորման ժամանակ)։
Կիրառման ոլորտներ
– Մետաղագործություն (Զոդում). Օգտագործվում է որպես ֆլյուս (զոդանյութ)՝ մետաղների մակերեսից օքսիդային շերտը հեռացնելու համար նախքան զոդումը։
– Էլեկտրատեխնիկա. Հանդիսանում է էլեկտրոլիտի բաղադրիչ չոր մարտկոցներում (ցինկ– ածխածնային տարրեր)։
– Բժշկություն. Օգտագործվում է որպես խորխաբեր միջոց հազի դեմ դեղահաբերում և լուծույթներում։
– Սննդի արդյունաբերություն. Հայտնի է որպես սննդային հավելում E510 (օգտագործվում է խմորիչների սնուցման և որոշ կոնֆետների արտադրության մեջ)։
