Նկարագրություն
Նախատեսված են հումքի տհաճ հոտը քողարկելու և վերջնական ապրանքին հաճելի բույր տալու համար։
Ֆիզիկական հատկություններ
– Թափանցիկից մինչև դեղնավուն թեթև ձեթանման հեղուկ։
Լուծելիություն. Չեն լուծվում ջրում, բայց լուծվում են սպիրտներում, յուղերում և ՄԱՆ– երի (մակերևութային ակտիվ նյութերի) մեջ։
– Խտություն. Մոտ 0.85 – 1.05 գ/սմ3։
– Ցնդելիություն. Բարձր (աստիճանաբար գոլորշիանում են՝ տարածելով բույրը)։
Քիմիական հատկություններ
– Էսթերների, ալդեհիդների, տերպենների և սպիրտների բարդ խառնուրդ են։
– pH կայունություն. Լինում են թթվային (pH 2– 5), չեզոք կամ հիմնային (pH 9– 12) միջավայրերի համար կայուն տեսակներ։
– Լավ խառնվում են կատիոնային, անիոնային և նոնիոնային ՄԱՆ– երի հետ։
Օքսիդացում. Օդի և լույսի ազդեցությամբ կարող են փոխել հոտը կամ գույնը։
Անվտանգության նորմեր
– Որոշ բաղադրիչներ կարող են առաջացնել մաշկի գրգռվածություն կամ ալերգիկ ռեակցիա (օրինակ՝ Լիմոնեն, Լինալոոլ)։
– Խտանյութը գրգռում է աչքերը։ Աչքի մեջ ընկնելիս լվանալ առատ ջրով։
– Խստիվ արգելվում է կուլ տալը (թունավոր է)։
– Արտադրության մեջ աշխատելիս կրել ձեռնոցներ և գոգնոց։
Պահպանման պայմաններ
–Պահել մութ ապակյա կամ քիմիապես կայուն պլաստիկե (HDPE) տարաներում։ Զով, չոր վայրում, հեռու արևի ուղիղ ճառագայթներից և ջերմության աղբյուրներից։
– Տարան պետք է լինի խստիվ փակված, որպեսզի բույրը չցնդի և չօքսիդանա։
Կիրառման ոլորտներ
– Հեղուկ օճառ և շամպուն. Օգտագործվում են մաշկի համար անվտանգ (Cosmetic grade) բուրավետիչներ։
– Լվացքի փափկեցուցիչներ. Օգտագործվում են հատուկ կապսուլավորված բույրեր, որոնք պահպանվում են հագուստի վրա չորանալուց հետո։
– Աման լվացող հեղուկներ. Սովորաբար կիրառվում են թարմ՝ կիտրոնի, խնձորի կամ հատապտուղների բույրեր։
– Ապակի մաքրող միջոցներ. Օգտագործվում են սպիրտակայուն բուրավետիչներ։
