Description
Սոլվեսո (Solvesso)– ն անուշադրի (արոմատիկ) ածխաջրածինների խառնուրդ հանդիսացող բարձրորակ լուծիչների բրենդային անվանումն է: Ամենատարածված տեսակներն են Solvesso 100, 150 և 200:
Ֆիզիկական հատկություններ
– Անգույն, թափանցիկ հեղուկ:
– Ունի բնորոշ ուժեղ անուշադրի (արոմատիկ) հոտ:
– Ջրում չի լուծվում, սակայն հիանալի լուծվում է օրգանական լուծիչների մեծ մասում:
– Ունի բարձր եռման կետ (160– 300°C կախված տեսակից), ինչի շնորհիվ դանդաղ է գոլորշիանում և ապահովում է ներկերի լավ հոսունություն:
Քիմիական հատկություններ
– Բաղկացած է C9– C11 կամ ավելի բարձր կարգի անուշադրի ածխաջրածիններից (>99% ):
– Օժտված է շատ բարձր լուծողական ուժով խեժների, յուղերի և պոլիմերների նկատմամբ:
– Քիմիապես կայուն է սովորական պայմաններում, չի ենթարկվում հիդրոլիզի:
– Այրվում է ծխացող բոցով (բնորոշ արոմատիկ միացություններին)՝ անջատելով CO2 և ջուր:
Անվտանգության նորմեր
– Դյուրավառ հեղուկ է: Գոլորշիները օդի հետ առաջացնում են պայթյունավտանգ խառնուրդներ: Խստիվ արգելվում է աշխատել կրակի մոտ:
– Գոլորշիների շնչումը կարող է առաջացնել գլխապտույտ, քնկոտություն և կենտրոնական նյարդային համակարգի ընկճում:
– Երկարատև շփումը առաջացնում է մաշկի ուժեղ չորացում և դերմատիտ: Օգտագործել նիտրիլային ձեռնոցներ:
– Շատ թունավոր է ջրային օրգանիզմների համար: Չթափել կոյուղու մեջ:
Պահպանման պայմաններ
– Պահել հերմետիկ փակված մետաղական տակառներում կամ տարաներում:
Զով, մութ և լավ օդափոխվող հրդեհաանվտանգ պահեստում:
– Պահել հեռու ուժեղ օքսիդիչներից (ազոտական թթու, քլոր) և ջերմության աղբյուրներից:
Կիրառման ոլորտներ
– Լաքաներկային արդյունաբերություն. Որպես բարձրորակ լուծիչ ավտոմեքենաների ներկերի, արդյունաբերական էմալների և լաքերի համար:
– Գյուղատնտեսություն. Հանդիսանում է լուծիչ– կրող թունաքիմիկատների և հերբիցիդների խտանյութերի (EC) համար:
– Տպագրություն. Օգտագործվում է տպագրական ներկերի և սարքավորումների մաքրման լուծույթների մեջ:
– Մաքրում. Արդյունաբերական յուղազերծող միջոցների և մակերեսների նախապատրաստման հեղուկների բաղադրիչ:
