Описание
Ալքիդային խեժերի չորարարները (սիկատիվներ) հատուկ նյութեր են, որոնք ավելացվում են լաքաներկային նյութերին՝ օքսիդացման և պոլիմերացման գործընթացը արագացնելու համար։ Գործում է որպես կատալիզատոր. օգնում է օդի թթվածնին ավելի արագ փոխազդել խեժի ճարպաթթուների հետ՝ ստեղծելով պինդ թաղանթ։
Ֆիզիկական հատկություններ
Թափանցիկ, յուղանման հեղուկներ են։ Գույնը կախված է մետաղից։ Հիանալի լուծվում են օրգանական լուծիչներում (սպիտակ սպիրտ, քսիլոլ) և հենց ալքիդային խեժերի մեջ։
Քիմիական հատկություններ — Չորարարի քիմիական հիմնական հատկությունն ալքիդային խեժի մեջ առկա չհագեցած ճարպաթթուների ինքնաօքսիդացման արագացումն է: Ալքիդային խեժի չորարարը (սիկատիվը) բարդ համակարգ է, որը բաղկացած է երեք հիմնական քիմիական բաղադրիչներից.
Ակտիվ նյութերից՝ մետաղներ, օրգանական թթուներ, լուծիչներից և կայունացուցիչներից։
Անվտանգություն և պահպանում
Չորարարները դյուրավառ են։ Պահել կրակից և ջերմության աղբյուրներից հեռու։
Պարունակում են ծանր մետաղներ։
Խուսափել մաշկի հետ շփումից և գոլորշիները շնչելուց։ Աշխատել ձեռնոցներով և լավ օդափոխվող տարածքում։
Զգուշացում․ Չորարարով ներծծված լաթերը կարող են ինքնաբռնկվել օդում (ինչպես և ալքիդային ներկերը)։
Պահպանում. Պահել հերմետիկ փակ տարայում, զով և չոր տեղում ( +5°C– ից +30°C ջերմաստիճանում)։ Խոնավ միջավայրը կարող է առաջացնել նստվածք կամ նվազեցնել ակտիվությունը։
Կիրառությունը
Շինարարություն և վերանորոգում — Սա ամենամեծ ոլորտն է, որտեղ չորարարներն ավելացվում են. 1, Ալքիդային էմալներին (օրինակ՝ ՊՖ– 115)՝ մետաղական և փայտե մակերեսները ներկելիս՝ ապահովելու համար արագ (սովորաբար 24 ժամից պակաս) չորացում: 2,Լաքերին՝ հատակի կամ կահույքի լաքապատման ժամանակ՝ թաղանթի կարծրությունը բարձրացնելու համար:
Արդյունաբերական ներկեր (Մետաղագործություն)– Հակակոռոզիոն հիմքեր (գրունտներ). Մետաղական կոնստրուկցիաները ժանգից պաշտպանող շերտերի մեջ չորարարն անհրաժեշտ է, որպեսզի ներկված դետալները հնարավոր լինի արագ տեղափոխել կամ մշակել:
Մեքենաշինություն. Գյուղատնտեսական տեխնիկայի և որոշ մեքենաների մասերի ներկման մեջ (հատկապես արագ չորացող էմալների կազմում):
Պոլիգրաֆիա (Տպագրություն)– Օֆսեթային և տպագրական որոշ ներկեր պատրաստվում են ալքիդային կամ յուղային հիմքով: Չորարարները թույլ են տալիս, որ ներկը թղթի վրա ակնթարթորեն «նստի» և չծորա:
Փայտամշակում և կահույքագործություն
1, Օլիֆներ (բնական և սինթետիկ). Մաքուր յուղը (օրինակ՝ կտավատի) շատ դանդաղ է չորանում: Չորարարի ավելացմամբ ստացվում է օլիֆ, որն օգտագործվում է փայտը ներծծելու և պաշտպանելու համար:
2, Փայտի պաշտպանիչ նյութեր. Դրսի փայտե կոնստրուկցիաների (ցանկապատեր, տաղավարներ) համար նախատեսված ներկերում:
