Описание
Ալքիդային– ուրետանային խեժերը (ուրետանային ալքիդներ) մոդիֆիկացված պոլիմերներ են, որտեղ ալքիդային հիմքին ավելացված են պոլիուրետանային խմբեր։
Ֆիզիկական հատկություններ–
— Մածուցիկ, թափանցիկ կամ բաց դեղնավուն հեղուկ։
— Զգալիորեն ավելի արագ են չորանում (2–6 ժամ), քան սովորական ալքիդային խեժերը։
— Ստեղծում են չափազանց կարծր, բայց միաժամանակ առաձգական մակերես, որը դիմացկուն է հարվածների և քերծվածքների նկատմամբ։
— Ունեն բարձր և կայուն փայլ, որը ժամանակի ընթացքում չի խամրում։
Քիմիական հատկություններ
— Պարունակում են ուրետանային կապեր (–NH–CO–O–), որոնք ապահովում են քիմիական բարձր կայունություն։
— Բարձր կայունություն ջրի, կենցաղային քիմիայի (լվացող միջոցներ), յուղերի և թույլ լուծիչների նկատմամբ։
— Օպտիմալ կպչունություն տարբեր մակերեսների (փայտ, մետաղ, պլաստիկ) հետ։
— Ի տարբերություն մաքուր ալքիդների, ավելի քիչ են հակված դեղնելու ուլտրամանուշակագույն ճառագայթների ազդեցությունից։
Անվտանգության նորմեր
— Աշխատել միայն լավ օդափոխվող տարածքում կամ կրել շնչառական դիմակ (ֆիլտրող)։
— Դյուրավառ հեղուկներ են։ Բացարձակապես արգելվում է ծխել կամ կրակ օգտագործել աշխատանքի վայրում։
— Օգտագործել նիտրիլային ձեռնոցներ և պաշտպանիչ ակնոցներ։ Մաշկի հետ շփման դեպքում լվանալ օճառով և ջրով (չօգտագործել լուծիչ մաշկը մաքրելու համար)։
Պահպանման պայմաններ
— Պահել հերմետիկ փակ, գործարանային տարաներում, +5°C – ից +30°C ջերմաստիճանում
— Հեռու պահել արևի ուղիղ ճառագայթներից և տաքացուցիչ սարքերից։
— Պաշտպանել խոնավությունից, քանի որ այն կարող է ազդել խեժի քիմիական կառուցվածքի վրա և վատթարացնել չորացման որակը։
Կիրառությունը
— Մանրահատակի (պարկետի) լաքեր. Ամենատարածված կիրառությունն է՝ բարձր մաշվածակայունության պատճառով։
— Արդյունաբերական ներկեր. Մեքենաշինության և հաստոցաշինության մեջ՝ մետաղական մասերի պաշտպանության համար։
— Կահույքագործություն. Պրեմիում դասի փայտե կահույքի հարդարման համար։
