Описание
Էթիլացետատը (քացախաթթվի էթիլ էսթեր) ամենատարածված օրգանական լուծիչներից է, որն իր ցածր թունավորության և արագ գոլորշիացման շնորհիվ կիրառվում է գրեթե բոլոր ոլորտներում։
Ֆիզիկական հատկություններ
— Անգույն, շարժուն և թափանցիկ հեղուկ։
— Ունի բնորոշ հաճելի, մրգային հոտ։
— Չափավոր լուծվում է ջրում (մոտ 8%), սակայն անսահմանափակ խառնվում է սպիրտների, եթերների և քլորոֆորմի հետ։
— Շատ արագ գոլորշիանում է , ինչը նրան դարձնում է իդեալական արագ չորացող ծածկույթների համար։
Քիմիական հատկություններ
— Բարդ էսթեր է։
— Թթուների կամ հիմքերի առկայությամբ փոխազդում է ջրի հետ՝ քայքայվելով էթիլ սպիրտի և քացախաթթվի։
— Օդում երկար մնալիս կարող է առաջացնել պերօքսիդներ, թեև ավելի քիչ, քան սովորական եթերները։
– Հեշտությամբ բռնկվում է և այրվում կապույտ– դեղնավուն բոցով՝ անջատելով ածխաթթու գազ և ջուր։
Անվտանգության նորմեր
— Ծայրահեղ դյուրավառ է։ Գոլորշիները օդի հետ առաջացնում են պայթյունավտանգ խառնուրդներ։ Պահել հեռու կայծերից և բաց կրակից։
— Գոլորշիների մեծ քանակությամբ շնչելը գրգռում է աչքերը և շնչուղիները, կարող է առաջացնել գլխապտույտ և քնկոտություն (ունի թմրեցնող ազդեցություն)։
— Երկարատև շփումը հեռացնում է մաշկի բնական ճարպաշերտը, ինչը կարող է առաջացնել չորություն և ճաքեր։
Պահպանման պայմաններ
— Զով, մութ և լավ օդափոխվող հրդեհաանվտանգ պահեստում։
— Հերմետիկ փակված մետաղական կամ ապակյա տարաներում։ Խուսափել որոշ տեսակի պլաստմասսաներից, որոնք էթիլացետատը կարող է լուծել կամ փափկեցնել։
— Պահել +30 °C – ից ցածր ջերմաստիճանում, հեռու ուժեղ օքսիդիչներից և թթուներից։
Կիրառման ոլորտներ
— Լաքաներկային արդյունաբերություն. Հիմնական լուծիչ նիտրոցելյուլոզային, ակրիլային և պոլիուրետանային լաքերի ու ներկերի համար։
— Սննդի արդյունաբերություն. Օգտագործվում է որպես սննդային բուրավետիչ (E 1504) և սուրճի հատիկներից կոֆեինի հեռացման (դեկաֆեինացման) համար։
— Տպագրություն. Կիրառվում է ֆլեքսոգրաֆիկ և ռոտոգրավյուրային տպագրական ներկերի մեջ՝ արագ չորացում ապահովելու համար։
— Կոսմետիկա. Եղունգների լաքերի և լաքահեռացնող հեղուկների հիմնական բաղադրիչ (որպես ավելի անվտանգ փոխարինող ացետոնին)։
— Դեղագործություն. Օգտագործվում է որպես լուծիչ և էքստրագենտ դեղամիջոցների (օրինակ՝ հակաբիոտիկների) մաքրման համար։
